Sadir Japarov mansabdor shaxslarning maoshlarini oshirishni taqiqladi

Qirg‘iziston prezidenti davlat xizmatchilarining ish haqini oshirishga moratoriy kiritdi. Tegishli hujjat “Erkin-Too” hukumat gazetasida e’lon qilingan.

Taqiq 2026-yilgacha amal qiladi. Qayd etilganidek, bu qaror davlat budjeti xarajatlarini optimallashtirish maqsadida qabul qilingan.

Davlat idoralari, qo‘mitalar, prezidentning hududlardagi vakolatli vakolatxonalari, shuningdek, mahalliy davlat hokimiyati organlari xodimlarining ish haqini oshirish taqiqlanadi.

Shuningdek, davlat organlari sonini ko‘paytirishga yo‘l qo‘yilmaydi.

Davlat xizmatchilarining ish haqini, shuningdek, shtat tarkibini o‘zgartirish alohida hollarda davlat rahbarining shaxsiy qarori bilan mumkin.

Moratoriy nazoratini Prezident va Vazirlar kabineti qarorlari ijrosini nazorat qilish boshqarmasi amalga oshirishi lozim.