9 500 quti aksiz markasiz tamaki mahsulotlarini olib ketyotgan fuqaro qo’lga olindi

Qashqadaryo viloyati Shahrisabz shahri “Sariosiyo” MFY da joylashgan qurilishi tugallanmagan bino hovlisida turgan “Isuzu” rusumli avtomashina yuk xonasi ko‘zdan kechirilganida fuqaro B.A. umumiy bahosi 168,5 mln so‘mlik 6 turdagi jami 9 500 quti aksiz markasiz tamaki mahsulotlarini kelgusida viloyat bo‘ylab o‘tkazish maqsadida saqlab kelayotganligi aniqlangan va ushbu mahsulotlar ashyoviy dalil sifatida olingan.

Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.