Shayx Muhammad Adnon ibn Yosin Darvish vafot etdi

Zamonamizning yetuk allomasi, faqihi, ustoz, shayx Muhammad Adnon ibn Yosin Darvish foniy dunyodan boqiy dunyoga rihlat qildi, bu haqda islom.uz platformasi xabar berdi.

“Shu munosabat bilan marhumning barcha oila a’zolariga, safdoshlari va shogirdlariga chuqur, samimiy ta’ziya izhor etamiz”, – deyilgan xabarda.

Mashhur faqih, usuliy alloma shayx Muhammad Adnon ibn Yosin Darvish 1970 yil 17 noyabrda Suriyaning Damashq shahrida tavallud topgan.

Ilmiy shahodatlari va faoliyatlari:

• Azhari sharif universitetining bakalavriati (shariat va qonun fakulteti) va magistraturasini (usulul fiqh) tamomlagan;

• usulul fiqh yo‘nalishi bo‘yicha fan doktori ilmiy unvoniga ega;

• 2014 yildan buyon Turkiyaning Istambul shahridagi Sabohuddin Za’im masjidida mudarris;

• 1989 yildan buyon Fath islom ma’hadida mudarris;

• Bir necha yil davomida Damashq shahri va viloyatidagi shar’iy o‘rta maktablarda mudarris;

• 2006 yildan buyon Fath islom ma’hadining yuqori universitet qismida mudarris;

• Shom oliy ma’hadida fiqh va mazhablar fiqhi bo‘yicha mudarris;

• Damashq viloyatidagi Huda ma’hadining asoschisi va mudiri;

• Damashq shahri va viloyatidagi bir necha masjidlarda mudarris boʻlib ishlagan.