Shoir Mansur Jumayev vafot etdi

O‘zbekiston Yozuvchilar uyushmasi a’zosi, shoir, uyushma aʼzosi Mansur Jumayev 33 yoshida vafot etdi. Bu haqida O’zbekiston Yozuvchilar uyushmasi axborot xizmati xabar qilmoqda.

Marhum 1991-yil 17-fevralda Qashqadaryo viloyati Mirishkor tumanida tavallud topgan. O‘zbekiston davlat jahon tillari universitetining Xalqaro jurnalistika fakultetini tamomlagan. Shoirning “Oq orzularim”, “Hayrat qo‘shiqlari”, “Biz kutgan fasl” nomli she’riy to‘plamlari nashr etilgan. She’rlari bir qator tillarga tarjima qilingan.

Shoirning oila a’zolari va yaqinlariga chuqur hamdardlik bildiramiz.