O‘zbekistonda Soliq qo‘mitasining axborot serverlari vaqtincha ishlamaydi

Soliq qo‘mitasining yirik ma’lumotlar bazasi O‘zbekistonda bosqichma-bosqich yangi serverlarga o‘tkazilishi munosabati bilan joriy yilning 30-oktabr soat 18:30 dan 5-noyabr soat 23:59 ga qadar onlayn NKT cheklarini tahrirlash imkoniyati vaqtinchalik cheklanadi. Bu haqda qo‘mita matbuot xizmati xabar berdi.

Shuningdek, joriy yilning 31-oktabr soat 23:00 dan 5- noyabr soat 23:59 ga qadar jismoniy shaxslar va yakka tartibdagi tadbirkorlar tomonidan soliqlarni to‘lash, soliq hisoboti va deklaratsiyalarni taqdim etish, soliq qarzdorligi haqida maʼlumotlarni elektron tarzda olish hamda boshqa elektron xizmatlardan foydalanish vaqtincha to‘xtatiladi.