Toshkent metropolitenidan va havo transportidan 1 kunda nechta yo‘lovchi foydalanmoqda

Statistika agentligi ma’lumotlariga ko‘ra, 2024-yil yanvar-iyun oylarida Toshkent metropolitenida bir kunda o‘rtacha 724,5 ming nafar yo‘lovchi tashilgan.

2023 yil-yanvar-iyun oylariga nisbatan bu ko‘rsatkich 277,1 ming yo‘lovchiga oshgan.

Havo transporti xizmatidan esa 2024-yilning yanvar-iyun oylaridagi ma’lumotga ko‘ra, bir kunda o‘rtacha 17,9 ming nafar yo‘lovchilar o‘z manziliga yetkazilgan.

Bu ko‘rsatkich 2023-yilning mos davri bilan solishtirilganda 4,5 ming nafarga ko‘p.