Toshkentda ikki yuk mashinasining to‘qnashuvi oqibatida haydovchi halok bo‘ldi

26-noyabr kuni soat 20:30 atrofida Toshkent shahrining Yangixayot tumanidagi 4R21 trassasida ikkita yuk mashinasi ishtirokida YTH sodir bo‘ldi.

Poytaxt IIB YHXBdan ma’lum qilishlaricha,  haydovchi 1982-yilda tug’ilgan, Q. A. boshqaruvidagi yuk transport vositasi va 1987-yilda tug’ilgan, I.Q boshqaruvidagi Isuzu rusumli  transport vositalari to’qnashishi oqibatida yo’l-transport hodisasi sodir bo’lgan.

YTH natijasida Isuzu yuk transport vositasining haydovchisi voqea joyida vafot etgan.

Mazkur holat yuzasidan O‘zbekiston Respublikasi Jinoyat kodeksining 266-moddasi 2-qismi (Odam o‘limiga sabab bo‘lgan yo‘l harakati xavfsizligi qoidalarini buzish) bilan jinoyat ishi qo‘zg‘atilgan. Hozirda tergov davom etmoqda.