Toshkentda xususiy maktab o‘qituvchisi o‘quvchilarga odobsiz harakatlar qildi

Jinoyat ishlari bo‘yicha Mirobod tuman sudi xususiy maktabda robototexnika to‘garagining 65 yoshli rahbarining ishini ko‘rib chiqdi. U jinsiy zo’ravonlikda ayblangan.

Voqea Mirobod tumanidagi xususiy maktabda sodir bo‘lgan. 65 yoshli erkak robototexnika darsi vaqtida qizlarning qo‘llarini ushlab, odobsiz harakatlar qilgan. Maktab direktori o‘quvchilar va ularning ota-onalari bilan suhbat o‘tkazdi. U erkak mehr ko‘rsatmaganini, balki o‘quvchi qizlarni jinsiy tahqirlaganini tasdiqladi.

Direktor sudlanuvchiga ham qo‘ng‘iroq qilib, gaplashmoqchi bo‘lib, uchrashuv tashkil qilmoqchi bo‘lgan, ammo erkak g‘oyib bo‘lgan va qo‘ng‘iroqlarga javob bermagan. Sud jarayonida ayblanuvchi o‘z harakatini baxtsiz hodisa va o‘qituvchi uchun noprofessional xatti-harakat deb atadi va buni takrorlamaslikka va’da berdi.

Sud uni aybdor deb topdi va ayblanuvchini 41-1-modda (Jinsiy zo‘ravonlik) bo‘yicha besh sutkaga ozodlikdan mahrum qildi.