Toshkentdagi ikkita ko‘chada harakat vaqtincha cheklanadi

Toshkent shahrining Olmazor tumanidagi ikkita ko‘chada transport harakati vaqtincha cheklanadi, deya xabar beradi poytaxt hokimligining matbuot xizmati.

Bugun mutaxassislar drenaj quvurlarini ta’mirlaydi. Shu munosabat bilan soat 20:00 dan 23:00 gacha Kichik halqa yo‘lining Shimoliy Olmazor ko‘chasidan Usta Olim ko‘chasi bilan chorrahagacha bo‘lgan qismi yopiladi.

Bundan tashqari, yo‘llarni ta’mirlash ishlari olib boriladi. 19-sentyabr soat 23:00 dan 20-sentyabr 07:00 gacha transport harakati Kichik halqa yo‘lining Qorasaroy ko‘chasi bilan kesishgan qismidan Usta Olim ko‘chasigacha bo‘lgan qismida cheklanadi.