Ukrainaliklarning 50 foizdan ortig‘i urush muzokaralar yo‘li bilan tezda tugatilishini istaydi

Aksariyat ukrainaliklar mojaro tezroq tugatilib, muzokaralar boshlanishini istaydi. Buni Gallup so’rovi ma’lumotlari tasdiqlaydi.

Tadqiqot natijalariga ko‘ra, ukrainaliklarning 52 foizi Kiyev “muzokaralar yo‘li bilan mojaroni tezroq tugatishga intilishi kerak” degan fikrda. Bir yil avval respondentlarning 27 foizi o‘zlarini tinchlik kelishuvi tarafdorlari deb hisoblagan, 2022-yilda esa 22 foiz.

Shu bilan birga, 2022-yildan boshlab qurolli kurashni davom ettirish zarur deb hisoblovchilar ham kamaymoqda. 2022-yilda fuqarolarning 73 foizi harbiy harakatlarni davom ettirish tarafdori bo’lgan, 2023-yilda – 63 foiz, 2024-yilda esa respondentlarning atigi 38 foizi voqealar rivojini qo’llab-quvvatlagan.