Ukrainani himoya qilishda halok bo‘lganlarning oilalariga to‘lanadigan to‘lovlar 15 million grivnaga ko‘tariladi

Vazirlar Mahkamasi Ukrainani Rossiyadan himoya qilishda halok bo‘lgan tinch aholi oilalariga 15 million grivnadan to‘lashni qonun bilan belgilashni taklif qilmoqda. Bu haqda “RBK-Ukraina” bosh vazir Denis Shmigalning hukumat yig‘ilishidagi bayonotiga tayanib xabar berdi.

Loyiha 2022-yil 24-fevraldan 25-martgacha Ukrainani mudofaa qilishda harbiy qismlar bilan birga qatnashish chog‘ida halok bo‘lgan tinch fuqarolarning oilalariga 15 million grivnadan to‘lashni nazarda tutadi. Bundan tashqari, kichikroq miqdorni olganlar uchun 15 million grivnagacha qo’shimcha to’lovni belgilash taklif qilinmoqda.

Shmygalning taʼkidlashicha, keng koʻlamli urush boshlanganidan beri koʻplab ukrainaliklar qoʻliga qurol olib, tinch aholi sifatida davlatni himoya qilgan.

“Bunday halok boʻlgan fuqarolarning oilalari uchun 1,9 million grivna miqdorida toʻlov koʻzda tutilgan. Biz uni 15 million grivnaga oshirishni taklif qilamiz va buni to‘g‘ri va adolatli deb hisoblaymiz”, — dedi u.