We Digital va AIM Lab neyrotarmoqlar yordamida O‘zbekistonning buyuk ayollari tarixini jonlantirdi

“Orzu sari borayotgan ayollar” maxsus loyihasi O‘zbekistonda madaniyat, fan va sanoat sohalarida faoliyat ko‘rsatgan birinchi va atoqli ayollarga[1] bag‘ishlangan to‘qqizta rolikdan iborat turkum. Loyiha TBC Bank Uzbekistan tashabbusi bilan amalga oshirildi.

We Digital va AIM Lab jamoalari qahramonlarning portretlarini yaratish, animatsiya va tahrirlash uchun turli sun’iy intellekt (SI) vositalaridan foydalandi. Loyiha ustida ishlashda ommaviy axborot vositalaridagi nashrlar va fotosuratlar qo‘llanildi.

AIM Lab – We Digital agentligining SI laboratoriyasi. AIM Lab jamoasi sun’iy intellekt vositalaridan foydalangan holda marketing, ijodkorlik va kontent ishlab chiqarish sohasidagi loyihalar va mahsulotlarni ishlab chiqadi.

“Orzu sari borayotgan ayollar” XX asrda O‘zbekistonda yashab, qiyinchiliklar, ijtimoiy qarshilik va qoliplarni yengib o‘tib, o‘z davri ayollari uchun yangi bo‘lgan kasblarni egallagan to‘qqiz nafar haqiqiy ayol haqida hikoya qiladi.

“Bugungi kunda O‘zbekistonda gender tengligi mavzusi tobora dolzarb bo‘lib borayotgan bo‘lsa-da, bizning fikrimizcha, o‘zbek media makonida xotin-qizlarning erishayotgan yutuqlari haqidagi zamonaviy, qiziqarli kontent hali ham yetishmayapti. Biz O‘zbekistondagi zamonaviy qizlar va yosh ayollar uchun namuna bo‘ladigan dolzarb va qulay kontentni ko‘rishni istaymiz. “Orzu sari borayotgan ayollar” ana shunday loyiha, deb hisoblaymiz, – deydi We Digital art-direktori Elbek Nurmuxamedov.

“O‘zbekiston ayollari o‘z taqdirini mustaqil tanlash huquqiga ega va bu tanlov ijtimoiy stereotiplar yoki noto‘g‘ri qarashlar bilan cheklanmasligi kerak. “Orzu sari borayotgan ayollar” loyihasi har bir ayol aql bovar qilmaydigan kuch va uning atrofidagi dunyoni o‘zgartirish qobiliyatiga ega ekanligini eslatish uchun mo‘ljallangan. Shuni alohida ta’kidlamoqchimizki, ayollarning bugungi va kelajak avlodlari o‘tmishda barcha to‘siqlarga qaramay, qiyinchiliklarni yengib o‘tib, o‘z orzulari sari intilishi sharofati bilan yuksaklikka erisha oladi. Ushbu loyiha ularning jasoratiga hurmat va barchamizga gender tengligi va ayollarning jamiyatga qo‘shgan hissasini e’tirof etish muhimligini eslatib turadi” – deydi Hikmatilla Ubaydullaev, AIM Lab rahbari.

Loyiha ustidagi ishlar qanday kechdi

Sun’iy intellekt vositalaridan foydalangan holda mualliflar cheklangan vaqt kam miqdordagi ma’lumotlar va fotosuratlar sharoitida yuqori sifatli mahsulotni yaratishga muvaffaq bo‘lishdi.

Sun’iy intellektning turli vositalari We Digital va AIM Lab mutaxassislariga ushbu qiyinchiliklarni yengishga yordam berdi. Shu bilan birga, texnik imkoniyatlarga qaramay, jarayon mashaqqatli va ehtiyotkorlik bilan inson nazorati va ishtirokini talab qildi.

Birinchi bosqich konsepsiyani ishlab chiqish, ssenariylarni yozish va tasdiqlashdan iborat bo‘ldi. Shundan so‘ng, statik kadrlar generatsiyasi, ko‘rsatmalar yaratish (neyrotarmoqlar uchun so‘rovlar) va portret havolalarini yaratish uchun mavjud fotosuratlar tiklandi.

Fotosurat: We Digital

Keyinchalik yaxlit va yuqori sifatli portretlarni yaratish va qahramonlar animatsiyasi jarayoni amalga oshirildi. Bu bosqich eng uzoq va eng ko‘p mehnat talab qiladigan bosqich edi, chunki u generatsiyalarda doimiy tuzatishlarni talab qildi. Oxirgi bosqichlarda montaj va ovoz berish ishlari amalga oshirildi.

Odatiy grafik muharrirlar va tahrirlash dasturlariga qo‘shimcha ravishda mualliflar ChatGPT4, Midjourney, Runaway, Topaz kabi SI vositalaridan foydalandilar.

Natija

“Orzu sari borayotgan ayollar” loyihasi TBC Bank Uzbekistan kanallarida e’lon qilindi va mahalliy Telegram kanallarida tilga olindi. Umumiy ko‘rishlar soni 4 milliondan ortiqni tashkil etdi.

Fotosurat: We Digital

[1] Qahramonlar:

Sobira Xoldarova (1907–1984) – birinchi professional o‘zbek jurnalisti

Maqsuma Kariyeva (1903-1946) — O‘zbekistondagi birinchi aktrisalardan biri

Zulfiya Umidova (1897–1980) – birinchi shifokor ayol, tibbiyot fanlari doktori

Bashorat Mirboboyeva (1916–2010) – birinchi poezd haydovchi va parashyutchi ayol

Tamaraxonim (Petrosyan) (1906-1991) – atoqli raqqosa, pedagog va o‘zbek raqsining islohotchisi.

Shamsiroy Xasanova (1917 – 1956) – birinchi professional o‘zbek rassomi

Nelya Ataullayeva (1931-1974) – hujjatli filmlar bo‘yicha birinchi rejissyor

Ilariya Raykova (1896–1981) – O‘zbekiston va Tojikistonning atoqli olimi, biologiya fanlari doktori.

Xadicha Sulaymonova (1913–1965) – Markaziy Osiyodagi birinchi ayol yuridik fanlar doktori