Jizzaxda soliq to‘lashdan bosh tovlagan Xitoy fuqarosi qidiruvga berildi

Jizzax viloyatida Xitoy fuqarosi Chen Lin Bing soliq to‘lashdan bosh tovlaganlik va savdo qoidalarini buzganlik uchun qidiruvga berildi. Bu haqda viloyat IIB xabar bermoqda.

“1994-yilda Xitoy Xalq Respublikasida tug‘ilgan, XXR fuqarosi, Jizzax viloyati Sharof Rashidov tumani Ardaxshon mahallasi hududida joylashgan “FESTON” XSI MChJ yotoqxonasida yashagan Chen Lin Bing O’zbekiston Respublikasi JKnig 184-moddasi (soliqlar yoki yig‘imlarni to‘lashdan bosh tovlash) 3-qismi xamda 189-moddasi (Savdo yoki xizmat ko‘rsatish qoidalarini buzish) 1-qismida ko‘rsatilgan jinoyatlarni sodir etganligi uchun Sharof Rashidov tumani IIB tomonidan qidirilmoqda”, — deyiladi xabarda.

Ushbu shaxs to‘g‘risida ma’lumotga ega bo‘lganlar ichki ishlar organlariga yoki +99872-342-12-02, +99872-342-10-68, +99872-226-03-02, +99893-290-02-30 telefon raqamlariga qo‘ng‘iroq qilib xabar berishlari so‘raladi.

Ta’kidlanishicha, ma’lumot bergan fuqaroning shaxsi sir tutiladi va pul mukofoti bilan taqdirlanadi.