“Yolg‘on gapirishning nima keragi bor?”: Rossiya OAV Bryansk oblastidagi qurol-yarog‘lar omboriga qilingan hujum haqida haqqoniy axborotni talab qilyapti

Kecha tunda Bryansk oblastidagi “67-GRAU” arsenaliga hujum qilindi. Rossiya OAV manbalari dronlar va ballistik raketalar yordamida hujum qilingani haqida bildirmoqda.

Rossiya OAVning qayd etishicha, “ular bir necha bor xuussiy ravishda Mudofaa vazirligidan yolg‘on gapirish va ma’lumotlar bilan manipulyatsiya qilishni to‘xtatishni so‘rashgan”.

“Bryansk oblastidagi harbiy obyektning texnik hududiga shikastlangan ATACMS raketasining bo‘laklari tushib, yong‘in chiqdi”, – deya xabar beradi Rossiya Mudofaa vazirligi.

“Xolis bo‘laylik – raketa bevosita omborga tushgan, bu esa keyingi portlashni keltirib chiqargan. Nega yolg‘on gapirish, “bo‘laklar”, “parchalar” va boshqalar haqida versiyalarni o‘ylab topish kerak? Axir biz oddiy rossiyaliklarni ahmoq deb hisoblamaymiz, shunday emasmi? Mamlakatda urush ketmoqda, hamma hammasini tushunadi”, — deyiladi xabarda.

Mudofaa vazirligi AQSh va bir qator Yevropa davlatlari bunday qarorga oldindan tayyorgarlik ko‘rganini aniq ma’lum qildi. Bayonotda aytilishicha, potentsial zarbalar zonasida raketalar va boshqa o‘q-dorilar saqlanadigan yirik omborlarni tashkil qilmaslik buyurilgan.

“Kreml zarba haqida xohlamay izoh beryapti. Vladimir Putinning yaqin suhbatdoshi “eng yaxshi yechim ikki oy kutish bo‘lardi” (Donald Tramp kelguniga qadar – tahr.)”, degan. Ya’ni, “AP” Kievning g‘arbiy sheriklari tomonidan keskinlashuvga umuman munosabat bildirmaslikni taklif qilmoqda. G’alati pozitsiya. Lekin buni tushunish mumkin. Prezident tungi zarbaga qanday munosabat bildirgani haqida hozircha ma’lumot yo‘q”, — deyiladi xulosada.