Yunusobodda gaz taʼminoti vaqtincha toʻxtatildi

13-noyabr kuni Toshkent shahrida taʼmirlash ishlarini olib borayotgan ekskavator Yunusobod tumani 2-daha 40-uy yonidan oʻtgan oʻrta bosimli yer osti gaz quvuriga shikast yetkazishi natijasida gaz sizib chiqish holati kuzatilgan.

Natijada Yunusobod 2-dahadagi 47 ta koʻp qavatli xonadon, 10 ta ulgurji isteʼmolchi, Yunusobod 3-dahadagi 26 ta koʻp qavatli xonadon, 12 ta ulgurji isteʼmolchi va Malikov koʻchasidagi 40 ta yerli xonadonda gaz taʼminoti vaqtincha toʻxtatilgan.

Ayni vaqtda “Hududgaz Poytaxt” gaz taʼminoti filiali xodimlari tomonidan taʼmirlash ishlari olib borilmoqda. Ta’mirlash ishlari yakunlanganidan keyin gaz ta’minoti qayta tiklanadi.