AQSh maxsus xizmatlari Trampni suiqasdlar ortida Eron hukumati turgan bo‘lishi mumkinligi haqida ogohlantirdi

Milliy razvedka direktori boshqarmasi AQSh prezidentligiga nomzod bilan uchrashib, unga va saylov kampaniyasiga nisbatan xavflar haqida ogohlantirdi, deb yozadi ABC. Amerika razvedka idoralari Trampga suiqasd uyushtirish ortida Eron rasmiylari turgan bo‘lishi mumkin, deb hisoblamoqda.

“Agar men prezident bo‘lganimda, tahdid qilayotgan mamlakatga, bu holatda Eronga, agar bu odamga zarar yetkazadigan biror ish qilsangiz, eng yirik shaharlaringizni va mamlakatingizni parchalab tashlaymiz, deb aytgan bo‘lardim. Biz uni yanchib tashlaymiz. Boshqa tahdidlar bo‘lmaydi. Ammo hozir bizda rahbariyat, kerakli odamlar, kerakli yetakchilar yo‘q”, — dedi Tramp Shimoliy Karolinadagi mitingda.

Minglab g‘ayratli tarafdorlar ishtirok etgan saylovoldi kampaniyasida AQShning sobiq prezidenti Donald Tramp o‘ziga nisbatan uyushtirilgan suiqasdni qurbonlik keltirish akti deb atadi.