AQSh Moskva birjasi bilan tranzaksiyalarga litsenziyani ikki oyga uzaytirdi

AQSh Moliya vazirligi Vashington tomonidan sanksiya joriy etilgan Moskva birjasi, Milliy kliring markazi (MKM, Moskva birjasidagi valyuta operatsiyalarining kontragenti) va Milliy hisob-kitoblar depozitariysi (MHKD) bilan 12 oktyabrga qadar operatsiyalarni amalga oshirishga ruxsat beruvchi ikkita litsenziya berdi, deyiladi vazirlik veb-saytida. .

Ilgari ruxsatnomalar 13 avgustgacha amal qilardi. Bundan tashqari, joriy yilning 1 noyabriga qadar MKM bilan neft, neft mahsulotlari, gaz va boshqa energiya resurslari bilan bog‘liq operatsiyalarga ruxsat berildi.

Ushbu tashkilotlar 12-iyun kuni Amerika sanksiyalari ostida qolgandi. Shundan so‘ng, Moskva birjasi dollar va yevro bilan valyuta juftliklarida savdoni to‘xtatdi. 13 iyun kuni birja, MKM va MHKD Britaniya sanksiyalari ostida qoldi.

Yangi cheklovlar tufayli jismoniy shaxslar va kompaniyalar birjada Amerika va Yevropa valyutalarini sotib olish imkoniyatidan mahrum bo‘lishdi va Rossiya banki ularning rasmiy kursini hisoblashning yangi usuliga – banklarning konversion operatsiyalari to‘g‘risidagi ma’lumotlarga asoslanishiga o‘tdi.