AQSh Ukrainaga 725 million dollarlik yangi harbiy yordam paketini yuboradi

AQSh Ukrainaga yana 725 million dollar miqdorida harbiy yordam paketi ajratilishini e’lon qildi, deya xabar beradi Davlat departamenti sayti.

Yangi paketga Stinger MANPADS uchun raketalar, HIMARS tizimlari uchun o’q-dorilar, piyodalarga qarshi minalar, Javelin va AT-4 tankga qarshi tizimlari, shuningdek, boshqa qurollar kiradi.

Avvalroq Pentagon Jo Baydenning vakolat muddati tugagunga qadar Ukrainaga beriladigan yordamning umumiy miqdori 6 milliard dollarni tashkil etishini maʼlum qilgandi. Ayni paytda “Politico“ Oq uyning Donald Tramp hokimiyatga kelganidan so‘ng Kiyevni qo‘llab-quvvatlash ehtimoli kamayishi mumkinligidan xavotirda ekanini qayd etmoqda.