Astanada ShHTga a’zo davlatlarning energetika vazirlari uchrashadi

QR Tashqi ishlar vazirligi rasmiy vakili Aybek Smadiyarov vazirlikning matbuot anjumanida Astana shahrida Shanxay hamkorlik tashkilotiga a’zo davlatlar vazirlarining bir necha uchrashuvlari bo‘lib o‘tishini ma’lum qildi.

“21-iyun kuni Astanada Shanxay hamkorlik tashkilotiga a’zo davlatlar energetika vazirlarining yig‘ilishi bo‘lib o‘tadi. Energetika idoralari rahbarlari Qozog‘iston tashabbusi bilan ishlab chiqilgan 2030-yilgacha bo‘lgan davrda ShHTga a’zo davlatlarning hamkorligini rivojlantirish strategiyasini ko‘rib chiqadi va tasdiqlaydi”, – dedi vazirlik rasmiy vakili.

Uning so‘zlariga ko‘ra, uchrashuv doirasida delegatsiya rahbarlari ShHT formatida energetika sohasidagi hamkorlikni rivojlantirishning strategik yondashuvlarini muhokama qiladilar.

Shuningdek, Aybek Smadiyarovning ma’lum qilishicha, 20-iyun kuni ShHTga a’zo davlatlar ilmiy-texnika idoralari rahbarlari, transport vazirlarining onlayn videokonferentsiya formatida uchrashuvlari bo‘lib o‘tadi.