Berlinda shifokor to‘rtta bemor ayolni o‘ldirganlikda gumon qilinmoqda

Berlinda palliativ tibbiyot bo‘yicha 39 yoshli shifokor to‘rt bemorni o‘ldirishda gumonlanib va bitta o‘t qo‘yish va uchta o‘t qo‘yishga urinishda ayblanib hibsga olindi. Bu haqda 7-avgust kuni Berlin politsiyasi va prokuraturasi xabar berdi.

Tergov ma’lumotlariga ko‘ra, 11-iyundan 24-iyulga qadar shifokor parvarish xizmati qaramog‘idagi to‘rt nafar ayolni o‘ldirgan, so‘ngra jinoyatlarini yashirish uchun ularning uylariga o‘t qo‘ygan.

Birinchi holat 11-iyun kuni sodir bo‘lgan, o‘shanda shifokor 87 yoshli ayolni Noykelnda o‘ldirib, uning kvartirasini yoqib yuborgan. O‘t o‘chiruvchilar jabrlanuvchini jonlantirishga muvaffaq bo‘lishgan, biroq u kasalxonada vafot etgan.

Tergovchilarning qayd etishicha, 8-iyul kuni shifokor Noykelnda 76-yoshli ayolni o‘ldirgan, biroq uning kyiga o‘t qo‘yishga urinishi muvaffaqiyatsizlikka uchragan va u qarindoshiga eshik qo‘ng‘irog‘iga hech kim javob bermayotganini aytgan.

15-iyul kuni sudlanuvchi Noykelnda 94 yoshli ayolni o‘ldirib, oshxonasiga o‘t qo‘ygan. 24-iyul kuni Plentervaldda 72 yoshli ayol o‘ldirilgan, uning kvartirasi ham yongan.

O‘t qo‘yish natijasida ko‘p qavatli uylarning boshqa aholisi ham jabrlangan, ayrimlar jarohat olgan

Tergov ishlarini Berlin jinoyat politsiyasi boshqarmasining ikkinchi komissiyasi va shahar prokuraturasi olib bormoqda. 6-avgust, seshanba kuni shifokor sudga keldi.

Jinoyatlarni sodir etish sabablari va usullariga aniqlik kiritilmoqda. Germaniya sog‘liqni saqlash tizimida kadrlar yetishmasligi kuzatilmoqda. Avvalroq, aprel oyida Charité klinikasining kardiologi 2021-2022 yillarda giyohvand moddalarni haddan tashqari oshirib yuborish yo‘li bilan bemorlarni o‘ldirganlikda ayblangan edi.