Bloomberg: Rossiya AQShdagi saylovlarga ta’sir ko‘rsatishga va Ukrainaga yordamni susaytirishga harakat qiladi

AQShning ortib borayotgan Rossiya boshchiligidagi ko‘plab raqiblari yollangan tijorat firmalari va sun’iy intellektning generativ texnologiyalaridan foydalanish orqali noyabrdagi prezidentlik saylovlariga ta’sir o‘tkazishga intilmoqda, deb yozadi Bloomberg AQSh rasmiylariga tayanib. AQSh Milliy razvedka direktori idorasi vakillarining nashrga aytishicha, Rossiya bo‘lajak saylovlarga eng jiddiy tahdidni tug‘dirmoqda.

Ularning fikriga ko‘ra, Moskva ovoz berishni ko‘proq global maqsadlarga erishish – Ukrainani qo‘llab-quvvatlashni zaiflashtirish va demokratik institutlar va umuman AQShga ishonchni susaytirish uchun imkoniyat sifatida ko‘rishi mumkin. Buning uchun Moskva, xususan, Amerika jamiyatidagi qarama-qarshiliklardan foydalanishi mumkin, deb hisoblaydi razvedkagi vakillar.

Eron ham bu jarayonda ishtirok etish niyatida, deydi Bloomberg suhbatdoshlari, Xitoy esa hozircha ancha ehtiyotkor pozitsiyani egallab turibdi va saylovlarga aralashuvning ehtimoliy oqibatlaridan xabardor.