Boeing 757 samolyotining g‘ildiragi havoga ko‘tarilayotgan paytda ajralib tushdi

United Airlines aviakompaniyasining Boeing 757-200 samolyotining qo‘nish moslamasi g‘ildiragi parvoz paytida qulab tushdi. Bu haqda The Guardian nashri yozadi.

Aniqlik kiritilishicha, Los-Anjelesdan AQShning Denver shahriga uchayotgan samolyotda favqulodda vaziyat yuzaga kelgan. Hodisaga qaramay, samolyot belgilangan manzilga eson-omon qo‘ngan. 174 yo‘lovchi va 7 ekipaj a’zosidan hech biri jabrlanmagan. Tashuvchining vakillari voqea yuzasidan surishtiruv ishlari olib borilayotganini ma’lum qilishdi.

Ayni paytda, bu 2024-yilda United Airlines samolyoti bilan sodir bo‘lgan ikkinchi hodisadir. Mart oyida AQShdan Yaponiyaga yo‘l olgan Boeing 777 samolyoti ham havoga ko‘tarilganidan so‘ng g‘ildiragi qulab tushgan edi. U aeroport xodimlarining to‘xtash joyida mashinaga borib urilgan va oynasini sindirgan.