CNN: jahon yetakchilari Tramp bilanu uchrashishni rejalashtirmoqda

Dunyo yetakchilari Donald Trampga tabrik yo‘llayotgan bir paytda, ularning yordamchilari AQShning bo‘lajak prezidenti bilan uchrashuvlarni qanday tashkil etish haqida o‘ylamoqda, deya xabar beradi CNN bunday tadbirlarni rejalashtirishdan xabardor bir nechta manbalarga tayanib.

Dunyo yetakchilari turli variantlarga, jumladan Nyu-York yoki Mar-a-Lagoga sayohat qilish uchun tayyor, deydi ular. Ularning ko‘pchiligi inauguratsiyadan oldin Tramp bilan uchrashishga ishtiyoqi baland bo‘lishi mumkin.

Biroq shunga qaramasdan, uchrashuvlarning taxminiy rejalari hali ishlab chiqilmagan.

CNN manbalariga ko‘ra, Trampga xabar yo‘llaganlar hali ham u va uning jamoasidan javob kutishmoqda, shuningdek, unga yaqin odamlar bilan aloqada bo‘lishga harakat qilishmoqda.

Xorijiy diplomatlardan birining aytishicha, rahbarlarning Trampni tushunishi 2016 yilgi saylovlarda g‘alaba qozonganidan ko‘ra ko‘proq bo‘lgan va bu qisman natijalar rasman e’lon qilinishidan oldin ham tabriklar yog‘ilishiga olib kelgan.

Shuningdek teleradiokompaniya ko‘plab manbalarga tayanib, Tramp va uning atrofidagilar qaysi dunyo yetakchilaridan kim va qachon u bilan bog‘lanishni diqqat bilan kuzatib borayotgani haqida xabar beradi.