Gruziya MSK har bir saylov okrugida beshta uchastkadagi byulletenlarni qayta sanaydi

Gruziya Markaziy saylov komissiyasi (MSK) har bir saylov okrugidagi beshta uchastkaning byulletenlarini qayta sanab chiqadi, deya xabar beriladi rasmiy saytda.

Hududlarda qayta sanash soat 12:00 da, Tbilisida esa 29-oktyabr kuni soat 17:00da boshlanadi. U MSK saytidagi ro‘yxatda ko‘rsatilganidek, 84 ta saylov uchastkasida o‘tkaziladi.

“Oshkoralikni ta’minlash uchun byulletenlarni qayta sanab chiqish tegishli vakolatli shaxslar tomonidan kuzatilishi mumkin”, — deyiladi xabarda.

Eslatib o‘tamiz, Gruziya prezidenti Salome Zurabishvili fuqarolarni 28-oktyabr kuni o‘tkaziladigan mitingga chaqirib, saylov natijalarini tan olmadi. O’sha kuni kechqurun Tbilisidagi parlament binosi oldiga namoyishchilar to‘plandi. Odamlar saylov natijalariga rozi emasliklarini aytib, qayta ovoz berishni talab qilishdi.