Hindistonda 15 kishi noma’lum virus qurboniga aylandi

Hindiston g‘arbidagi Gujarat shtatida noma’lum isitma avj olgani oqibatida 15 kishi halok bo‘ldi, deya xabar beradi Hindustan Times nashri.

3-sentyabrdan 7-sentyabrgacha kasallikdan o‘n kishi vafot etgan, keyin shifokorlar yana beshta o‘limni qayd etgan. Tekshiruvlar o‘limga H1N1 grippi virusi, cho‘chqa grippi, Qrim-Kongo gemorragik isitmasi, bezgak va denge isitmasi sabab bo‘lgan bo‘lishi mumkinligini istisno qildi. O‘limning aniq sababini aniqlash uchun 11 nafar qurbonning jasadi Virusologiya institutiga yuborildi.

NDTV ma’lumotlariga ko‘ra, halok bo‘lganlar orasida besh yoshdan kattaroq bolalar ham bor. Kasallikning asosiy klinik belgilari isitma, yo‘tal va nafas olish muammolari.

Dastlab pnevmoniya shakli sifatida noto‘g‘ri tasniflangan noma’lum isitmaning avj olishi mintaqada kuchli yog‘ingarchiliklar va suv toshqini bilan bir vaqtga to‘g‘ri kelgan.