Hindistonda masjidni tekshirishga qarshi namoyish chog‘ida to‘rt kishi halok bo‘ldi

Hindistonning Uttar-Pradesh shtatidagi Sambhal shahrida so‘nggi 24 soat ichida yuz bergan to‘qnashuvlarda kamida to‘rt kishi halok bo‘ldi, o‘nlab kishilar yaralandi. Bu haqda NDTV telekanali xabar berdi.

Tartibsizliklar rasmiylar Mug‘allar davridagi qadimiy Shohi Jama Masjid masjidini tekshirish uchun politsiya himoyasiga kelganidan keyin boshlangan. Ushbu tekshiruv sud qarori bilan o’tkazildi, uning maqsadi masjid go’yo vayron qilingan hindu ibodatxonasi o’rniga qurilganligini tasdiqlovchi dalillarni aniqlash edi.

Bu qaror Sambhalda ko’pchilikni tashkil etuvchi musulmon jamoasining noroziligiga sabab bo’ldi.

Shaharda internet to‘xtatildi, rasmiylar barcha maktablarni yopishga qaror qildi, shaharga maxsus ruxsatsiz kirish taqiqlandi.