“Hizbulloh” Isroil maxsus kuchlarining o‘quv bazasiga hujum qildi

Livandagi shia Hizbulloh harakati jangarilari Afula shahri sharqida joylashgan Isroil harbiy bazasiga hujum qilish uchun dronlardan foydalangan. Bu haqda guruh o‘zining Telegram-kanalida xabar bermoqda.

Avvalroq Hizbulloh Isroil shimolidagi 25 aholi punkti aholisini zudlik bilan uylarini tark etib, evakuatsiya qilishga chaqirgan edi, chunki ularning yashash joylari havo va raketa zarbalari uchun harbiy nishonga aylangan.

Sentabr oyi oxiridan beri Isroil Livan janubi va Bayrutda faol havo hujumlarini amalga oshirib, Hizbulloh infratuzilmasini vayron qilmoqda. Isroil mudofaa kuchlari, shuningdek, Livan janubidagi chegara mintaqasida transport nishonlariga qarshi cheklangan quruqlikdagi reydlar boshlanganini e’lon qildi.