Isroil mudofaa armiyasi Bayrutdagi “Hizbulloh” markaziy shtabiga zarba berdi

Isroil harbiylari “Hizbulloh” haarkatining Bayrutdagi markaziy shtabiga zarba berdi, deya xabar beradi Isroil mudofaa armiyasi (SAXAL)ning telegram kanali.

“Bir muncha vaqt oldin “SAXAL” Bayrutdagi Dahiya markazida joylashgan turar-joy binolari orasidagi “Hizbulloh” terrorchilik tashkilotining markaziy qarorgohiga nuqtali zarba berdi”, — deyiladi Isroil armiyasining xabarida.

Isroilning Ynet portali xabar berishicha, zarba nishoni “Hizbulloh” yetakchisi Hasan Nasrulloh bo‘lgan. Biroq, portlash vaqtida uning binoda bo‘lgani yoki bo‘lmagani hozircha noma’lum, deya qayd etadi X ijtimoiy tarmog‘ida Isroil armiyasi radiosi.

Al Jazeera muxbirining xabar berishicha, Dahiyadagi Haret Xreyk munitsipalitetida “katta vayronagarchiliklar” bo‘lgan, to‘rtta bino butunlay vayron bo‘lgan.