Isroil harbiy kabineti vaziri iste’foga chiqdi

Isroil harbiy mahkamasi vaziri Beni Gans (sobiq mudofaa vaziri) o‘zining “Davlat lageri” partiyasi hukumatdan chiqishini e’lon qildi va bosh vazir Binyamin Netanyaxu “bizga haqiqiy g‘alabaga erishishga xalal berayotgani”ni aytdi. Bu haqda The Times of Israel xabar bermoqda. Gans Netanyaxu bilan birga yaratgan “xalq  birligi” hukumati raisi edi.

Vazir may o‘rtalarida Netanyaxu 8-iyunga qadar G‘azo sektorida HAMAS bilan urushdan keyingi harakatlar rejasini taklif etmasa, iste’foga chiqish bilan tahdid qilgan edi. 30-may kuni “Davlat lageri” knessetni muddatidan oldin tarqatib yuborish to‘g‘risidagi qonun loyihasini kiritdi.

Uning so‘zlariga ko‘ra, uning partiyasi 7-oktabrdan keyin mamlakatni qutqarish yo‘lida koalitsiyaga qo‘shilgan, ammo “biz bu yomon hukumat ekanini bilgandik”, va o‘shandan buyon strategik mulohazalar siyosiy sabablarga ko‘ra, ikkinchi planga o‘tkazildi. “Haqiqiy g‘alaba” asirlarning qaytarilishini, G‘azo sektoridagi rahbar organ sifatida HAMASning almashtirilishi va Eronga qarshi mintaqaviy alyans tuzilishini bildiradi, dedi u.