Jurnalistlar UQK Kursk oblastiga yorib kirganidan keyin qarindoshlari izlayotgan 22 nafar muddatli chaqiruvdagi askarni identifikatsiyaladi

“Vajnie istorii” jurnalistlari ijtimoiy tarmoqlarda Kursk oblastida bedarak yo‘qolgan rossiyalik harbiy xizmatchilarni qidirish haqida o‘nlab xabarlarni topdi. Ulardan 22 nafarining shaxsi aniqlangani aytilmoqda.

Yo‘qolgan muddatli chaqiruvdagi askarlr 12721-harbiy qismning 488-polkida xizmat qilgan. U Bryansk oblastida joylashgan, deb yozadi nashr. Vaholanki, unda turli oblastlardan, jumladan Kostroma oblastining 20 ming aholisiga ega Sharya shahridan 3 nafar muddatli chaqiruvdagi askar xizmat qilgan.

Bundan tashqari, “Vajnie istorii” maqomini aniqlab bo‘lmagan yana 12 nafar harbiy xizmatchi qidirilayotgani haqidagi xabarlarni topishga muvaffaq bo‘ldi. Ular ham 488-polkda xizmat qilishgan.

Jurnalistlar Ukraina asirligida olingan videoga tushib qolgan yetti nafar harbiy xizmatchining ismini ham aniqlashga muvaffaq bo‘ldi.

Kursk oblastida jami kamida 29 nafar muddatli xizmatga chaqirilgan askar asirga olingan. Bu raqam “Vyorstka” nashri tomonidan ilgari e’lon qilingan raqamga to‘g‘ri keladi.

Bir kun oldin Vladimir Zelenskiy “bir necha yuz” rus askari hujum haftasi davomida Ukraina Qurolli kuchlari tomonidan asirga olinganini aytgandi.