Keyt Middlton saraton tashxisidan keyin birinchi marta omma oldida paydo bo’ldi (video)

Uels malikasi Keyt Middlton saraton kasalligiga qarshi kurashayotganini e’lon qilganidan keyin birinchi marta omma oldiga chiqdi. U turmush o‘rtog‘i shahzoda Uilyam bilan birgalikda qirolning tug‘ilgan kuni sharafiga har yili o‘tkaziladigan harbiy paradda qatnashdi,  deb yozmoqda “Trooping the Color”.

Keyt, er-xotinning farzandlari – 10 yoshli shahzoda Jorj, 9 yoshli malika Sharlotta va 6 yoshli shahzoda Lui bilan parad maydoni yonidagi binodan marosimni tomosha qilish uchun Bukingem saroyidan ot aravasida sayohat qilgan.

Eslatib o‘tamiz, avvalroq Britaniya taxti vorisi shahzoda Uilyamning rafiqasi, Uels malikasi Ketrin saraton kasalligini davolash jarayoni muvaffaqiyatli davom etayotganini ma’lum qilgandi. Malika tomonidan e’lon qilingan xabarda aytilishicha, 15 iyun kuni u 2023 yil oxirida kasalxonaga yotqizilganidan beri birinchi marta rasmiy tadbirda ishtirok etadi.