Kreml Makronni Ukraina mojarosida “to‘g‘ridan-to‘g‘ri qatnashish”ga tayyorlikda aybladi

Putinning matbuot kotibi Dmitriy Peskovning aytishicha, Frantsiya prezidenti Makron Kiyev rejimini mutlaq qo‘llab-quvvatlashini namoyish etmoqda va u Fransiya Respublikasi harbiy mojaroda bevosita ishtirok etishga tayyorligini e’lon qilgan.

“Biz bu bayonotlarni juda provokatsion, qit’ada keskinlikni kuchaytiruvchi va hech qanday ijobiy narsaga yordam bermaydi deb hisoblaymiz”, – deydi Peskov.

Payshanba kuni Fransiya prezidenti Parij Ukrainaga Mirage-2000-5 qiruvchi samolyotlarini berishini va ukrainalik uchuvchilarni tayyorlashini bildirdi.

“Ular Ukrainaga o‘z hududi va havo hududini himoya qilish imkonini beradi”, –  dedi prezident fransuz OAVlariga bergan intervyusida.

Makronning so‘zlariga ko‘ra, Fransiya ham 4500 nafar ukrainalik askarni tayyorlash dasturida ishtirok etadi, biroq “biz jangovar zonada askarlarni tayyorlash haqida gapirmayapmiz”, shuning uchun bu “eskalatsiyani anglatmaydi”.

Makron va Zelenskiy bugun Parijda muzokaralar o‘tkazadi. Ular Ukrainaga mahalliy hukumatlar va muhim infratuzilmani, xususan, Rossiyaning doimiy hujumiga uchrayotgan energetika sohasini qo‘llab-quvvatlash uchun 650 million yevro miqdorida kredit va grantlar ajratishni ko‘zda tutuvchi ikkita shartnoma imzolashi kutilmoqda.