MAGATE rahbari Kursk AESida “yadroviy hodisa” xatari haqida ogohlantirdi

MAGATE rahbari Rafael Grossi Kursk atom elektr stansiyasi hududida “yadroviy hodisa” yuz berishi ehtimolidan xavotir bildirdi.

Uning bayonoti stantsiyaga tashrifi ortidan bildirilgan. Biroq, aniq tahdid haqida tafsilotlar aniqlik yo‘q. Grossining so‘zlariga ko‘ra, atom elektr stansiyasi ayni paytda normal rejimda ishlamoqda.

Stansiya joylashgan Kurchatov ma’muriyati Ukraina qurolli kuchlarining hujumlari tufayli xavfsizlik choralari kuchaytirilganini e’lon qildi. Shahar meri Igor Korpunkov ko‘ngilochar tadbirlar, qayiq ijarasi va skuter minish, shuningdek, baliq ovlash taqiqlanganini ma’lum qildi.

Avvalroq, 22-avgust kuni Rossiya prezidenti Vladimir Putin Ukraina qurolli kuchlari Kursk atom elektr stansiyasiga hujum qilishga uringanini aytgandi. Keyinroq Rossiya davlat OAVlari ishlatilgan yoqilg‘i omboridan yuz metr masofada dron qoldiqlari topilgani haqida xabar berishdi, biroq bu ma’lumotning rasmiy tasdig‘i yo‘q.