ABC News: Mask saylovdan keyin deyarli har kunini Tramp bilan birga o’tkazmoqda

5-noyabrda bo‘lib o‘tgan saylovlardan so‘ng tadbirkor Ilon Mask deyarli har kuni AQShning saylangan prezidenti Donald Tramp bilan birga o‘tkazdi, deb xabar berdi ABC News manbalarga tayanib.

Mask saylovdan keyin Trampning oilaviy suratida paydo bo‘ldi, u bo‘lajak birinchi xonim Melaniya Tramp bilan kechki ovqatni bir stol atrofida qilgan va dam olish kunlari Trampning oilasi bilan golf o‘ynagan.

Bundan tashqari, Mask Trampning kadrlar bo‘yicha qarorlarini baholaydi va uning xorijiy yetakchilar bilan bo‘lgan kamida ikkita qo‘ng‘iroqlarida ishtirok etgan. Ulardan biri Vladimir Zelenskiy (ABC News maʼlumotlariga koʻra, Tramp Ukraina prezidenti bilan gaplashishi uchun Maskga telefonni ham bergan), ikkinchisi Turkiya rahbari Rajab Erdogʻan edi.