Maxachqaladagi yoqilg‘i quyish shoxobchasida yuz bergan portlash oqibatida halok bo‘lganlar ham bor

Dog‘iston sog‘liqni saqlash vaziri vazifasini vaqtincha bajaruvchi Yaroslav Glazovning “Interfaks”ga ma’lum qilishicha, Maxachqaladagi yoqilg‘i quyish shoxobchasida yuz bergan  portlash oqibatida to‘rt kishi halok bo‘lgan.

“Dastlabki ma’lumotlarga ko‘ra, to‘rt kishi halok bo‘lgan”, – deydi Glazov.

Federal Favqulodda vaziyatlar vazirligi ma’lumotlariga ko‘ra, yoqilg‘i quyish shoxobchasi binosi portlash oqibatida vayron bo‘lgan.

“Texnik stantsiya va oshxona – 500 kvadrat metr maydon yonmoqda”, — deyiladi xabarda.

“Dastlabki ma’lumotlarga ko‘ra, 8 kishi jarohatlangan, ulardan besh nafari halok bo‘lgan.

Keyinroq vazirlik halok bo‘lgan besh kishi orasida bir bola borligini va to‘rt kishi yaralanganini ma’lum qildi.

“Dastlabki ma’lumotlarga ko‘ra, 27-sentyabr kuni taxminan soat 17:30da Maxachqaladagi yoqilg‘i quyish shoxobchasida portlash va yong‘in sodir bo‘lgan”, — deyiladi Dog‘iston prokuraturasi xabarida.

Respublika rahbari Sergey Melikov voqea joyiga borgan.

“Federal avtomagistralda yoqilg‘i quyish shoxobchasida portlash sodir bo‘ldi, afsuski, men barcha bo‘limlarga yordam ko‘rsatish uchun ko‘rsatma berdim, biz fojia qurboni bo‘lgan barchani qo‘llab-quvvatlaymiz, albatta. Men voqea joyiga ketyapman”, — deb yozdi u Telegramda.