Mo’g’uliston, agar Putin tashrif buyursa, uni hibsga olishi kerak – XJS

Mo‘g‘uliston hukumati o‘z majburiyatlariga muvofiq, Rossiya prezidenti Vladimir Putinni kelasi hafta mamlakatga tashrifi chog‘ida hibsga olishi kerak, dedi Xalqaro jinoiy sud BBCga bergan sharhida.

XJS so’zlovchisi Fadi al-Abdallahning BBCga aytishicha, sud “qarorlarini bajarishda” a’zo davlatlar, jumladan Mo’g’ulistonga tayanadi. Uning so‘zlariga ko‘ra, Mo‘g‘uliston ham ICCning boshqa a’zolari kabi “sud bilan hamkorlik qilish majburiyati”ga ega. Bu hibsga olish orderlariga, jumladan Putinga nisbatan ham amal qiladi.

Seshanbaga rejalashtirilgan safar Putinning 2023-yil martida sud uni hibsga olishga qaror qilganidan beri ICCning Rim statutini imzolagan mamlakatga birinchi tashrifi bo‘ladi.

Eslatib o‘tamiz, avvalroq Ukraina rasmiylari Mo‘g‘ulistonni Putinni tashrifi chog‘ida hibsga olib, Gaagadagi Xalqaro jinoiy sudga topshirishga chaqirgan edi. Putinning matbuot kotibi Dmitriy Peskovning aytishicha, Kreml tashrifdan xavotirda emas va uning barcha tafsilotlari “ptiyotkorlik bilan tayyorlangan”.