NYT Trampda aqliy pasayish belgilarini aniqladi

Respublikachilar partiyasidan prezidentlikka nomzod Donald Trampning chiqishlari borgan sari nomutanosib bo’lib bormoqda, bu uning aqliy (kognitiv) zaiflashuvidan dalolat berishi mumkin. Bu haqda 6-oktabr kuni The New York Times nashri xabar berdi.

“Trampning mitinglari, intervyulari, bayonotlari va ijtimoiy tarmoqlardagi postlarini koʻrib chiqish 2015-yilda siyosiy sahnaga birinchi kirganidan buyon oʻzgarishlarni koʻrsatadi. U ko‘pincha haqiqatdan yiroq bo‘ladi, lekin vaqt o‘tishi bilan uning nutqlari noaniqlashib, uzunroq, g‘azablangan, diqqat markazida bo‘lmagan, odobsiz va o‘tmishga qattiq bog‘lanib qolgan”, —  deyiladi gazeta.

NYT kompyuter tahliliga ko‘ra, Trampning mitinglardagi nutqlari hozirda o‘rtacha 82 daqiqa davom etadi, bu 2016-yildagi 45 daqiqadan ko‘p. Proportsional ravishda u sakkiz yil oldingiga qaraganda “har doim” va “hech qachon” so’zlarini 13% ko’proq ishlatadi.

Nashrning yozishicha, Tramp hozirda ijobiy so‘zlarga qaraganda 32 foizga ko‘proq salbiy so‘zlarni ishlatadi, 2016-yilda bu ko‘rsatkich 21 foizni tashkil etgan. Bundan tashqari, Respublikachilar yetakchisi hozir prezidentlikka nomzodini ilgari surgan vaqtga nisbatan 69 foizga tez-tez so‘kinmoqda. Bu tendentsiyalarning barchasi aniq kognitiv o’zgarishlarni ko’rsatishi mumkin.

Biroq Trampning o‘zi har qanday xavotirni rad etib, kognitiv testlardan muvaffaqiyatli o‘tganini ta’kidlamoqda.

“Men ikki soat teleprompterlarsiz yuraman va agar bir so‘zni biroz noto‘g‘ri aytsam, ular: “U kognitiv jihatdan zaif”, deyishadi”, – deb izoh berdi Tramp.