OAV: “Baxmut tegirmonida” halok bo‘lgan “vagnerchilar”ning qarindoshlari 100 mlrd rubl to‘lov olgani ma’lum bo‘ldi

“Mediazona” va “Bi-Bi-Si rus xizmati” “Vagner” XHK ning halok bo‘lgan jangchilarning qarindoshlariga vafotdan keyingi to‘lovlar bo‘yicha yozuvlariga kirish huquqiga ega bo‘ldi, deb yozadi DW.

Ushbu hujjatda 2022-yil yanvaridan 2023-yil avgustigacha bo‘lgan davrda 20 mingdan ortiq halok bo‘lganlarning ismlari mavjud. Bu vaqt ichida XHK bunday to‘lovlar uchun maoshlarning katta qismini va jarohatlar uchun kompensatsiyani hisobga olmaganda, taxminan 108 milliard rubl sarflagan.

«Vagnerchilar» ning aksariyati – 19,5 ming kishi –  Baxmut uchun bir necha oy davom etgan janglarda halok bo‘lgan. Ulardan 17 ming nafari Putin tomonidan afv etilgan mahbuslardir.

Ba’zi kunlarda XHK kuniga janglarda 200 dan ortiq odamni yo‘qotgan.

Tergov ma’lumotlariga ko‘ra, keng ko‘lamli urush boshlanganidan beri kamida 48 ming mahbus “Vagner” XHKga jalb qilingan.

43,8 ming kishi uchun jurnalistlar ular urushga jaob qilingan koloniyalarni aniqlashga muvaffaq bo‘lishdi. Bular, asosan, og‘ir jinoyatlari uchun sudlanganlar yuboriladigan qattiq tartibli koloniyalardir.