Olimlar Oyda g‘or borligini ilk bor aniqladi — u yerda koloniyani joylashtirish mumkin

Italiyalik astronomlar Oyda kelajakda amaliyotlar o‘tkazish uchun bazaga aylanishi mumkin bo‘lgan ehtimoliy tunnelni topdi. Bu haqda Techcrunch resursi xabar beradi.

2010 yildagi radar tasvirlari o‘nlab metr uzunlikdagi g‘or borligini ko‘rsatdi, u sezilarli darajada kattaroq bo‘lishi mumkin. Ushbu g‘or chuqurligi taxminan 100 metr bo‘lgan chuqurning tubida joylashgan bo‘lib, u barqarorligi tufayli qiziqish uyg‘otgan.

Oy yuzasi ionosfera va radiatsiyadan himoya yo‘qligi sababli yashash uchun yaroqsiz hisoblanadi. Oy g‘orlari yer usti binolariga muqobil bo‘lib, meteorit va radiatsiyadan himoya qiladi. Ushbu g‘orning kashf etilishi tadqiqot va oy g‘orlari bilan bog‘liq texnologiyalarni ishlab chiqishni rag‘batlantirishi mumkin.

Mazkur kashfiyot oy koloniyalarini yaratish rejalarini qayta ko‘rib chiqishga olib kelishi ham mumkin. G‘orga kirish uchun qazish yoki infratuzilma kerak bo‘ladi, biroq uning hajmi va holati noma’lumligicha qolmoqda. G‘or potentsial amaliy ahamiyatga ega bo‘lsa-da, u juda kichik bo‘lishi yoki foydalanish uchun imkonsiz bo‘lishi ham mumkin.

“Axir, Yerdagi hayot g‘orlarda boshlangan-ku, shuning uchun odamlar Oyda ham g‘orlarda yashashlari mumkin”, – deydi olimlar.