Ovozlar qayta sanalganidan keyin ham “Gruziya orzusi” partiyasi g‘olib bo‘lib chiqdi

Gruziyaning parlament saylovlari byulletenlari qisman qayta sanalishi, Deutsche Welle nashrining Markaziy saylov komissiyasiga tayanib, xabar berishicha, hukmron “Gruziya orzusi” partiyasining g‘olibligini tasdiqladi.

Markaziy saylov komissiyasining ma’lumotiga ko‘ra, 12% saylov uchastkalarida, ya’ni 14% saylovchilar ovoz bergan joylarda qayta sanash “avval e’lon qilingan rasmiy natijalarga sezilarli o‘zgarish qilmadi”. Yakuniy natijalar faqat 9% qayta sanash amalga oshirilgan saylov uchastkalarida o‘zgardi.

Qayta sanash uchun uchastkalar qur’a tashlash orqali tanlab olingan. Qayta sanashlar 29-oktyabrda amalga oshirildi.

30-oktyabrda Gruziya prokuraturasi 26-oktyabrdagi parlament saylovlaridagi soxtalashtirish to‘g‘risidagi izohlari sababli Zurabishvilini so‘roqqa chaqirgani haqida bayonot berdi. Prokuratura Markaziy saylov komissiyasining murojaatiga asosan tekshirishlarni boshlagan. Prezident prokuraturadagi so‘rovga kelishdan bosh tortdi.