O‘zbekistonlik fuqaro firibgarlik uchun xalqaro qidiruvga berilgan

Bu haqda boshqarma tomonidan 2024-yil 29-avgustda yuborilgan axborotda aytiladi.

“Moliyaviy monitoring agentligi tomonidan 1976-yil 26-sentabrda, Toshkent shahrida (O‘zbekiston) tug‘ilgan Dana Anvarovna Batirshina xalqaro qidiruvga berilgan. Mazkur shaxs 2020-yil iyulidan 2021-yil iyuligacha “Thefiniko” moliyaviy piramidasining tarkibiy bo‘linmasini boshqarganlikda gumon qilinmoqda. U fuqarolardan umumiy qiymati 65,9 million tenge va 206,5 ming dollarni noqonuniy ravishda jalb qilgan”, — deyiladi AFMU matbuot xizmati xabarida.

Agentlikning ta’kidlashicha, Thefiniko savdo va investitsiya platformasi emas va jahon birjalarida ro’yxatdan o’tmagan.