Qirg‘iziston Salimboyni qidiruvga berdi

Qirg‘iziston Davlat milliy xavfsizlik qo‘mitasi  (DMXQ) marhum jinoyatchi Qamchi Ko‘lbayevning uyushgan jinoiy guruhini moliyalashda gumon qilingan o‘zbekistonlik tadbirkor Salim Abduvaliуevni qidiruvga berdi. Maxsus xizmat ma’lumotlariga ko‘ra, Abduvaliуev “Salimbay Baybacha” nomi bilan tanilgan О‘zbekiston jinoyat olamining yetakchisi bo‘lgan.

Shu bilan birga, boshqarma Abduvaliуevning О‘zbekistonda sudlanganini eslatib o‘tadi. Ommaviy axborot vositalarida tadbirkor va О‘zbekiston MOQ rahbari Abduvaliуevning 2023 yil dekabrida hibsga olingani batafsil yoritilgan. Joriy yilning mart oyida u sud qarori bilan qurol-yarog‘ noqonuniy savdosida ayblanib, umumiy rejimdagi koloniyada olti yilga ozodlikdan mahrum etilgan, biroq “kontrabanda” moddasi bo‘yicha jinoiy javobgarlikdan ozod qilingan edi.

Qirg‘iziston DMXQ Abduvaliуevga qarshi qurol savdosidan ham jiddiyroq da’volarni ilgari surmoqda.

“Abduvaliуev О‘zbekiston Respublikasi hududida jinoiy tuzilmalarning yetakchisi bo‘lgan, shuningdek, MDH davlatlarida bevosita ta’sirga ega bo‘lib, giyohvandlik vositalarini Yevropa davlatlariga olib o‘tish bo‘yicha noqonuniy kanallarni tashkil etish uchun “qonundagi o‘g‘ri” Qamchibek Asanbek bilan aloqa o‘rnatgan va unga tizimli ravishda moddiy yordam ko‘rsatgan ”, — deyiladi departament xabarida.

DMXQ o‘zbek tadbirkori va kriminal boshlig‘i Ko‘lboevning Qirg‘iziston jinoiy olamining yetakchisiga aylanishiga, shuningdek, uning Markaziy Osiyoning boshqa mamlakatlaridagi ta’siriga hissa qo‘shgan, deb hisoblaydi. Ko‘lbayevni moliyalash orqali, masus xizmat ma’lumotlariga ko‘ra, Abduvaliуev “o‘zining g‘arazli maqsadlarini ko‘zlagan” va o‘z ta’sir doirasini kengaytirgan.

Bishkekning Oktyabr tuman sudi О‘zbekistonda muqaddam sudlangan Abduvaliуevga nisbatan qamoqqa olish tarzidagi ehtiyot chorasini sirtdan tanladi va u “Interpol” qidiruviga ham e’lon qilindi.