Qrimda avtomobil ko‘prigi qulab tushdi

Qrim Respublikasining Jankoy tumanida Jankoy – Maslovo yo‘lidagi ko‘prik qulab tushdi, deb xabar berdi tuman ma’muriyati rahbari Inna Fedorenko o‘zining Telegram-kanalida.

“Jankoy-Maslovo yo’lida favqulodda holat yuz berdi – ko’prik qulab tushdi”, – deb yozadi u.

Favqulodda vaziyatlar vazirligi ko‘prikda yengil va yuk mashinasi bo‘lganini ma’lum qildi. Qulash oqibatida ikki kishi jarohatlangan. Ular mashinalardan chiqarilib, shifokorlarga topshirilgan.

Jabrlanganlardan biri Jankoy markaziy tuman kasalxonasida og‘ir ahvolda, ikkinchi jabrlanuvchiga tibbiy yordam ko‘rsatilgan va u kasalxonada qolishdan bosh tortgan.