Rayimbek Matraimov hech qaуerga ketmaslik to‘g‘risida tilxat bilan qo‘yib yuborildi

Bishkekning Pervomayskiy rayon sudi Qirg‘iziston bojxona xizmati rahbarining sobiq o‘rinbosari Rayimbek Matraimovga nisbatan ehtiyot chorasini hech qaуerga ketmaslik haqidagi yozma majburiyatga o‘zgartirdi. Bu ma’lumotni Kaktus.media tahririyati Pervomayskiy tuman sudida tasdiqladi.

Qayd etilishicha, MXX Davlat Tergov qo‘mitasi tergovchisining iltimosi qanoatlantirilgan va Matraimov o‘z arizasiga ko‘ra ozod etilgan. Bungacha u Milliy xavfsizlik davlat qo‘mitasining tergov izolyatorida saqlangan.

Eslatib o‘tamiz, 23-mart kuni Davlat milliy xavfsizlik qo‘mitasi Bishkekda Qirg‘iziston rahbariyatiga suiqasd uyushtirishni rejalashtirgan transmilliy uyushgan jinoiy guruhning besh nafar a’zosi qo‘lga olingani haqida xabar bergan edi. Qo‘mita ularning barchasi Ozarbayjondan kelganini qo‘shimcha qiladi.

Keyinroq qo‘mita matbuot xizmati qo‘shimcha xabar tarqatdi, unda qidiruvda bo‘lgan Rayimbek Matraimov Ozarbayjon poytaxti Bokuda ekani, uni hibsga olish va keyinchalik Qirg‘izistonga ekstraditsiya qilish masalasi ko‘rib chiqildi. Hozir bu masala Ozarbayjon huquq-tartibot idoralari bilan muhokama qilinmoqda.

2024-yil yanvar oyi oxirida Rayimbek Matraimov Davlat milliy xavfsizlik qo‘mitasi tomonidan qidiruvga berilgan va uning milliardlab somlik ko‘chmas mulki davlat hisobiga o‘tkazilgan edi.