“RBK Ukraina”: BRB dronlari “Olenya” aerodromida Rossiyaning strategik bombardimonchi samolyotini yo‘q qildi

27-iyul kuni Ukraina BRBning operatsiyasi natijasida Saratov oblastining Engels shahridagi harbiy aerodromlariga, Ryazan oblastidagi Dyagilevo harbiy aerodromiga va Murmansk oblastidagi “Olenya” aerodromiga hujum qilingan. Bu haqda “RBK Ukraina” xabar beradi.

Manbalarning ta’kidlashicha, “Olenya” aerodromiga zarba berish natijasida TU-22M3 uzoq masofali tovushdan tez raketa tashuvchi bombardimonchi samolyotining zararlangani qayd etilgan. Ushbu aerodrom Ukraina chegarasidan taxminan 1800 km masofada joylashgan.

Shuningdek, kamikadze dron hujumi natijasida Ryazandagi neftni qayta ishlash zavodiga ham zarba berilgan.

Guvohlarning so‘zlariga ko‘ra, Dyagilevo aerodromi hududida birinchi portlashlar mahalliy vaqt bilan taxminan 6:00 da sodir bo‘lgan. Ijtimoiy tarmoqlarda “parvozlar” va tutun tasvirlari e’lon qilingan, shuningdek, kamida uchta portlash haqida xabar berilgan.

Rossiyaning strategik aviatsiyasi joylashgan Engels aerodromida portlashlar soat 8:00 atrofida eshitilgan. Mahalliy nashrlarning qayd etishicha, Rossiya havo hujumidan mudofaa kuchlarining dronlarni urib tushirishga urinishi muvaffaqiyatsiz yakunlangan.

Rossiyaning boshqa harbiy nishonlariga dronlarning zarbalari natijalari aniqlanmoqda.