Rossiya Federatsiyasida xorijliklar aeroportlarga kelish va ketishda biometrik maʼlumotlardan oʻtishlari kerak boʻladi

1-dekabrdan boshlab Moskva aviatsiya uzelidagi eksperiment doirasida Rossiyaga kiruvchi va undan chiqib ketayotgan barcha xorijiy fuqarolar uchun biometrik nazorat joriy etiladi, deb xabar berdi Irina Volk IIV vakili.

Chegarani kesib o’tishda ular biometrik ma’lumotlarni taqdim etadilar: yuzining fotosurati va barmoq izlari. Ushbu nazorat Orenburg viloyatidagi Mashtakovo avtomobil nazorat punktida ham amalga oshiriladi.

Tajriba Rossiya Federatsiyasi Hukumatining 2024-yil 7-noyabrdagi 1510-son qarori bilan nazarda tutilgan.

O’zgartirishlar fuqarolarning quyidagi toifalariga ta’sir qilmaydi: Belarusiya fuqarolari, 6 yoshgacha bo’lgan bolalar, diplomatlar va xorijiy davlatlarning Rossiyadagi diplomatik vakolatxonalari va konsullik muassasalari xodimlari va ularning oila a’zolari, xalqaro tashkilotlar va ularning vakolatxonalari akkreditatsiyadan o’tgan xodimlari.