Rossiya harbiylari jang maydonida 93 nafar ukrain harbiy asirini qatl qildi

“Ukrinform” agentligining xabar berishicha, Ukraina Bosh prokuraturasining qurolli mojarolarda sodir etilgan jinoyatlarga qarshi kurashish departamenti boshlig‘i Yuriy Belousov telemarafonda huquq-tartibot idoralari xodimlari rus harbiylari tomonidan jang maydonida 93 nafar ukrainalik asirning qatl etilgani haqida ma’lumotga ega ekanligini bildirgan.

Uning so‘zlariga ko‘ra, joriy yilda 80 foiz holatda ukrainalik harbiy asirlar qatl qilingani qayd etilgan.

Shuningdek, u 3-oktyabr kuni ukrainalik harbiy asirning qatl etilgani haqida yangi ma’lumotlar paydo bo‘lganini aytadi.

“Telegram kanallarida dadil kiyimdagi boshqa harbiy xizmatchining qatl etilishi mumkinligi aks etgan video tarqaldi. Biz zudlik bilan yana bir jinoiy ishni UXX Bosh tergov boshqarmasida ro‘yxatga oldik”, — deydi Belousov.

Rossiya Mudofaa vazirligi ukrainalik harbiy asirlarning rossiyalik harbiylar tomonidan qatl etilgani haqidagi xabarlarga izoh bermagan.