Rossiya Kursk oblastining Lotarevka aholi punktidagi “S-400” divizioniga va “Kursk-Vostochniy” aerodromiga ATACMS bilan zarba berilganini tasdiqladi

Rossiya Mudofaa vazirligi press-relizida Kursk oblastidagi bir nechta harbiy nishonlarga ATACMS raketalari tomonidan hujum qilinganini tasdiqladi. Birinchi zarba 23-noyabr kuni “S-400” zenit-raketa diviziyasining “Lotarevka”dagi pozitsiyasiga berildi, deya xabar beradi Mudofaa vazirligi.

““Pansir” havo mudofaasi raketa tizimi bilan raketaga qarshi jang davomida ushbu bo‘linmaning jangovar ekipaji uchta ATACMS raketasini yo‘q qildi, ikkitasi nishonga tegdi”, — deyiladi xabarda.

Mudofaa vazirligining ma’lumotlariga ko‘ra, natijada harbiy xizmatchilar jarohatlangan (ularning soni ko‘rsatilmagan), radar tizimi shikastlangan.

Ikkinchi hujum 25-noyabr kuni “Kursk-Vostochniy” aerodromida sodir bo‘lgan. Unda sakkizta ATACMS raketasi qatnashgan.

“S-400” havo mudofaa tizimi va “Pansir” havo mudofaa tizimi jangovar ekipajlari tomonidan yettita raketa urib tushirildi, bittasi nishonga yetdi. Raketa parchalarining qulashi natijasida ikki nafar harbiy xizmatchi yengil tan jarohati oldi, infratuzilmaga yengil zarar yetdi”, — deyiladi Mudofaa vazirligi xabarida.

Departament, shuningdek, Kursk oblastidagi harbiy nishonlarga hujum qilgan raketalarning qoldiqlarini ham ko‘rsatdi.

Ukraina qurolli kuchlari Bosh shtabi 23-noyabr kuni ATACMS zarbasi chog‘ida “S-400” zenit-raketa majmuasi yo‘q qilinganini da’vo qildi.

OSINT tahlilchilarining yozishicha, “Kursk-Vostochniy” aerodromiga qilingan hujum paytida kamida beshta ATACMS raketasi nishonga tekkan. Aerodromning o‘zidan tashqari, hujumni qaytarishga uringan “S-400” pozitsiyalari ham hujumga uchragan. Natijada Kursk oblastining “Bolshoe Jirovo” qishlog‘ida joylashgan “S-400” havo hujumidan mudofaa tizimi yo‘q qilingan.