Rossiya MSK Boris Nadejdinni prezidentlik kampaniyasidagi qonunbuzarliklar uchun sudga berdi

Boris Nadejdinga prezidentlik saylovoldi tashviqoti davridagi qonunbuzarliklar uchun uchta protokol tuzildi.

Siyosatchining o’zi aytganidek, Rossiya Federatsiyasi Markaziy saylov komissiyasi unga qarshi da’vo arizasi bilan chiqdi. MSK maʼlumotlariga koʻra, Nadejdin moliyaviy hisobotga barcha kerakli ilovalarni taqdim etmagan, qonunbuzarliklar bilan olingan mablagʻlarni noqonuniy ishlatgan va saylov fondiga mablagʻ oʻtkazish qoidalarini buzgan.

Nadejdinning tushuntirishicha, uning shtab-kvartirasi saylov hisobi bloklangani sababli xatolik bilan yuborilgan (masalan, ism ko‘rsatilmagan) xayriyalarni qaytarib bera olmagan. Shuningdek, uning ta’kidlashicha, moliyaviy hisobot uning nomzodi keng qo’llab-quvvatlangani uchun 50 000 sahifadan oshadi. “Balki Sberbankda qog’oz yoki toner tugab qolgandir”, deb qo’shimcha qildi siyosatchi.

Sud majlislari 23-oktabr kuni bo’lib o’tadi va Nadejdin har bir qoidabuzarlik uchun jarimaga tortilishi mumkin.

Eslatib o‘tamiz, fevral oyida Markaziy saylov komissiyasi Boris Nadejdinni prezidentlik saylovlarida ishtirok etishdan chetlatib, uni qo‘llab-quvvatlovchi 9147 nafar imzoni bekor qilgan edi.