Rossiya soliq xizmati Xabib Nurmagomedovning hisoblarini blokladi

Federal soliq xizmati yengil vazn toifasidagi Ultimate Fighting Championship (UFC) sobiq chempioni Xabib Nurmagomedovning hisoblarini blokga soldi, deb xabar bermoqda Mash Telegram kanali.

Manbaga ko’ra, hibsga olinishiga sportchining 297 million rubl miqdoridagi qarzi sabab bo’lgan. Bungacha soliq idoralari rasmiy hujjatlardagi yolg‘on ma’lumotlar tufayli Nurmagomedovning bir qancha kompaniyalarini yopgan edi.

Xabib Nurmagomedov o‘zining so‘nggi jangini 2020-yilning kuzida o‘tkazib, amerikalik Jastin Getjini mag‘lub etgan edi. Jangdan so’ng darhol u professional faoliyatini yakunlaganini e’lon qilib, onasiga otasisiz jang qilmaslikka va’da berganini tushuntirdi. Faoliyatini tugatgandan so‘ng, Nurmagomedov Eagle FC promouterlik kompaniyasiga asos soladi.

Sportchi aralash yakkakurashlar (MMA) bo‘yicha 29 ta jang o‘tkazib, ularning har birida g‘alaba qozongan. 2021-yilda “Ijtimoiy fikr” jamg‘armasi tomonidan o‘tkazilgan so‘rov natijalariga ko‘ra, Xabib sportda yil odami deb topiladi. 2023-yil 22-oktabrda Nurmagomedov jangga aloqador hamma narsani tashlab ketganini aytadi.